7 апрельыште МарГУ-со йылме технологий шотышто шанче-туныктымо «Марий йылме» рÿдерыште «Мастарлык йолгорно» сылнымут семинар эртен. Тудо «Волгыдо-олык тÿрыштö» книган презентацийже гыч тÿҥалын. Сборникыш семинарын участникше-влакын возымыштым чумырен савыктыме.

Умбакыже самырык сылнымутчо-влак кок тÿшкалан шелалтын пашам ыштеныт. Республикысе школла гыч толшо тунемше-влаклан занятийым поэт-влак "Ончыко" журналын ответственный секретарьже Игорь Попов ден Татьяна Соловьева эртареныт, студент-влакын возымыштым Марий Элын калык поэтше, "Ончыко" журналын тÿҥ редакторжо Геннадий Сабанцев-Ояр да ответственный секретарьже Игорь Попов лончыленыт.

Снимкыште: Студент-влакын творчествыштым ушышо "Волгыдо олык тÿрыштö" савыктышышт.