Кодшо кечылаште лӱмлӧ писатель да журналист, Россий писатель ушем член Мария Каликаевна Илибаевалан Марий Элын калык писательже чап лӱмым пуымо нерген пале лие.

Коллегынам кугу сеҥымашыж дене шокшын саламлена да ончыкыжымат лудшына-влакым чапле деч чапле сылнымут пашаж дене куандараш тӱҥалеш манын ӱшанен кодына. Тудлан сай тазалыкым, кужу ӱмырым да марий сылнымутым пойдарыме пашаштыже у деч у сеҥымашым тыланен кодына.